Volksmusik-Veranstaltungen

Die Zuahäusl Aufgeiger spielen in erweiterter Besetzung  zu Tanz und Unterhaltung

mit "ausgesuchten & angesagten Volkstänzen".     Anfahrt mit PKW möglich !

   Hochverehrtes Publikum, ...
... liabe Freind/innen umadum !
Am Samstag den 22.Juni '24 is's wiedermoi soweit.
Mia hoffen, Ihr habts dann aa Zeit !
Do spuin mia auf da Dandlbergalm nach unserer Manier
ab 20°° Uhr zu Eurem & auch unserem Plaisier,
mit Geign, Ziach und Bombardon
& ... ach wos sog i ...Ihr wisst es schon !
Almfest, Sommernachtstanz, .... wia soi' ma's nenna ?
oder sagn ma oafach wieder: Tanz auf'm Tenna ?
Bei jeder Witterung warm und trocken
ko ma am Tenna drobn beinander hocken,
freilich aa einige Tanzei riskieren
& zwischendrin a Schmankerl von da Speiskartn probieren !
Aa wenns koa Zuahäusler-Fasching nimmer is
a Gaudi werds trotzdem - des is gwiß !
Oiso nacha, a paar nette Leit mitnehma
& zum Tanzei zuawakemma !

A Spezl hot gmoant, dass des jetzat passat,
wann i no an „Reminder" ausse lassat !
Ja so werd im Anglobavaroneuoberdeitschn heitzutag gredt
und diam muasst Di wundern, wer des no vasteht.
Des hoaßt oiso: I schick Eich hiermit a Nachricht zua,
mit dera i an unsern naxtn Tanz erinnern tua.
· Sa 22.Juno 2024, 20°°, Tanz auf'm Tenna, a.d.Dandlbergalm am Samerberg
Mit Brotzeit, Musi', Tanzn, Singa
kon ma do leicht a paar scheene Stund' vabringa.
& ihr kennts Eich sicher sein,
dass mia uns auf Eich narrisch gfrein !
Oiso kemmt's zuawe, lasst's Enk ned schwoam,
wann de Spielerei vorbei is, gehma aa wieda hoam.